SPISIDDHI

‘U sorrisu r’un figghiolu,
‘a bellezza r’un bocciolu,
‘nta ‘stu cielu senza stiddhi…
…E chi ssunnu….Su’ spisiddhi!!

‘Na canzuna ruci ruci,
‘na famigghia senza…Buci…
….E ‘na rindina chi vola
Supr’a spaddha ‘i ‘na figghiola;

e ‘a gioia di ‘na mamma
e l’amuri chi ti ‘nfiamma,
‘u caluri di ‘na manu
Chi ti sthringi chianu chianu;

e ‘u partu:Un criaturi!
Tanti lacrimi d’amuri,
e l’azurru di ‘stu mari
e l’affettu r’i to’ cari……..

…..Su’ spisiddhi ‘i ‘nu focu
Chi si stuta a pocu a pocu,
e ‘stu misiru braceri
non caddia manch’i peri;

ah, ‘na bella bamparizza,
gioia, amuri, cuntintizza…..
…C’a sputazza nenti mbiddha,
rresta sulu……’Na spisiddha!!!!!!!!!